Ағымдағы жылдың 12-17 наурыз күндері аралығында Талдықорған қаласында гір тасын көтеру спортынан Қазақстан Республикасының Чемпионаты өтті. Қазақстанның барлық аймақтарынан 200-ге жуық спортшы, Астана қаласынан 8 спортшы қатысты. Чемпионатта «Жігер» спорттық клубының спортшылары 4 алтын, 2 күміс медальдар жеңіп алды. Ветерандар арасында Маненов Жанибек (73 кг), Пастухов Василий (+75) және 68 кг салмақ дәрежесінде қыздар арасында Зупар Ақмарал бірінші орын иегерлері атанды. 85 кг салмақ дәрежесінде Зулгарин Жумагали және 63 кг салмақта Сакипов Саян күміс жүлдеге ие болды. Сондай-ақ, халықаралық дәрежедегі спорт шебері 73 кг салмақ дәрежесінде Абдахин Серік Нұрғалиұлы Чемпионат жеңімпазы атанды.