«Жігер» спорттық клубы 2013 жылдың 9 маусым күні баскетболдан әуесқой командалар арасында жарысты аяқтады.Бұл чемпионатқа 10 команда қатысуға ниет білдіріп, әрбір өз дайындықтарын көрсете білді. Фристайл командасы, Истанбул донер командасы, Целиноград командасы, Медициналық Академия командасы, КазМұнайГаз командасы,Просвещенец командасы, КР Төтенше жағдайлар Министрлігі, №6 Кәсіби лицей командасы, Оқушылар – студенттер баскетбол клубының Асар құрама командасы,Елшілік командасы. «СарыАрқа» Республикалық велотрегі  Астана қаласының әуесқой командалар арасында баскетболдан Ашық Чемпионаттың ең ақырғы ойындарына куәгер болды. ІІІ орынға Фристайл командасы мен КПМ командасы жан салмай жарысқа түсті. Нәтижесінде Фристайл командасы  ІІІ орынға ие болды. Финалдық ойында МЧС- Динамо мен БКШС «Асар» командасы өзара жеңіске таласып, екі мықты команданың кездесуінің нәтижесі бойынша МЧС-Динамо командасы І орынды иеленді, ал БКШС «Асар» ІІ орынға ие болды.

Жабылу салтанатымыздың ең маңызды сәтінің бірі марапаттау рәсімі болды. Салтанатымыздың қадірменді қонақтары ретінде Қазақстан Республикасының Төтенше жағдайлар министрі Божко Владимир Карпович, №6 Кәсіби лицейінің директоры Қапезов Берлік Еркенұлы, «Қазақстан Дамыту Банкі» Акционерлік қоғамы басқарманың бас төрағасы және Төтенше жағдайлар министірлігі командасының ойыншысы Кусаинов Нұрлан Жетпісұлы, «Астана» Баскетбол клубының бас директоры Тихоненко Валерий Алексеевич шақырылды, сонымен қатар бұл Чемпионатымызға өз үлесін қосқаны үшін алғыс хаттармен марапатталды.

Және де   «Ең үздік» номинациялары бойынша үздіктер анықталды. Марапаттау рәсімін Кабдулин Самат Амангелдіұлы жүргізді.

«Ең үздік ойыншы» номинациясы бойынша Григорянц Арсен марапатталды.

«Ең үздік финал ойыншы» номинациясы бойынша Нурбаев Ержан марапатталды.

«Ең үздік шабуылшы» номинациясы бойынша Коптелов Илья алғыс хат және естелік сыйлықтармен марапатталды.

Сонымен қатар, Аталған Чемпионатта әділ төрешілік еткендері үшін, Аманжолова Альмира, Быбалко Ольга,Абильдаева Индира, Санихан Даулетбек, Шернюса Вайдотас алғыс хаттармен марапатталды.

І , ІІ және ІІІ орынға ие болған командалар Астана қаласының Туризм, дене шынықтыру және спорт басқармасының басшысының орынбасары Кабдулин Самат Амангельдіұлы табыстаған кубок, медаль және дипломдармен марапатталды.