Асық атудан 12 қыркүйекте Астана қаласының «Дәулет» спорт комбинатында елордамыздың 20 жылдығына орай ұйымдастырылған «Ұлы дала рухы» фестивалінің финалдық ойындары өтті. Ауқымды жарыс асық ату, көкпар, теңге ілу, аударыспақ, тоғызқұмалақ, жамбы ату және қазақша күрес сынды ұлттық ойындардан өткізілуде.

17-19 тамыз күндері Қазақстанның 4 аймағында іріктеу ойындары өткізіліп, солтүстік аймағынан Астана қаласы, батыстан Ақтөбе қаласы, шығыс аймағынан ШҚО, оңтүстіктен Жамбыл облысы топ жарып, финалға жолдама алды. 12 қыркүйекте финалдық ойында Астана қаласындағы «Жігер» спорттық клубының спортшылары Буланбай Аслан, Мыңтөре Нұрбақыт, Асанқұл Нұрбек, Қуанова Аружан, Даниярова Камила жеңімпаз Жамбыл облысының командасынан тек 1 ұпайға артта қалып, күміс жүлдесіне ие болды. Ал, ШҚО командасының спортшылары фестивалдің қола жүлдегерлері атанды. Барлық жеңімпаздарды жүлделерімен құттықтай отырып, келесі жарыстарда толағай табыстар тілейміз.