Ыстық-көл жағалауында 2-8 қыркүйек аралығында ІІІ дүниежүзілік көшпенділер ойындары өтуде. Осы жылы көшпенділер ойындарына әлемнің 80 елінен 2000-нан астам спортшылар қатысуда. Жарыстар этноспорттың 37 түрінен өткізіледі. Қазақстан командасы құрамында 200-ге жуық спортшы спорттың 31 түрінен қатысып, ел намысын қорғайды.

4 қыркүйек күні Кырчын шатқалында (Ыстық-көл облысы) бүркітші спортынан жарыстар аяқталды. Бүркітшілер жарысында 6 елден 11 қатысушы болды. «Жігер» спорттық клубының бүркітшіден жаттықтырушы Күнтуған Серікбек үшінші орынға ие болды.