Алматы қаласының «Halyk Arena» спорт кешенінде 20-21 қазан күндері киокушинкай-кан каратэден ерлер мен әйелдер, жасөспірімдер, қыздар және жастар арасындағы Қазақстан Республикасының Чемпионаты өтті. Чемпионатқа Қазақстанның барлық аймағынан 300-ге жуық спортшылар қатысты. Жарыс нәтижесі бойынша Аманов Айбек, Асыгатов Ризабек, Керим Мирас, Сураганбек Бекарыс, Советов Медет, Жанибеков Темирлан, Абден Аяжан және Сауытова Мадина алтын медаль иегерлері атанды, Рахметов Ерсайын, Абылкасым Сералы және Ғалымжанова Гүлназ Чемпионаттың күміс жүлдесіне ие болды, Айткадыров Еркебулан, Сагындыков Аскар және Мырзасаринова Софья қола медальдар жеңіп алды. Осындай жетістігімен «Астана» командасы жалпыкомандалық бірінші орынға ие болды. Жүлдегерлер мен жеңімпаздарды жеңістерімен құттықтаймыз!