«Барыс» спорт кешенінің конферец-залында Қазақстан Республикасының мүгедек-спортшылары арасындағы V Спартакиада қатысушыларымен пресс-конференция өтті. Пресс-конференцияны Астана қаласы Дене шынықтыру және спорт басқармасының басшысы Маржикпаев Берік Боромбайұлы және Астана қаласы әкімдігінің «Жігер» спорттық клубының директоры Хамзин Азамат Мұқантайұлы өткізді.

2017 жылы 15-24 қыркүйек аралығында Атырау қаласында Қазақстан Республикасының тірек-қимыл аппараты зақымданған (ТҚАЗ) және көру мүшелері зақымданған мүгедек-спортшылар арасында V Спартакиадасы өтеді. Астана қаласы әкімдігінің «Жігер» спорттық клубы МКҚК мүгедек-спортшылары жеңіл атлетика (ТҚАЗ), сомдалу (ТҚАЗ), отырып ойнау волейболы (ТҚАЗ), үстел теннисі (ТҚАЗ), жүзу (ТҚАЗ), жүзу (көру), тоғызқұмалақ (ТҚАЗ), тоғызқұмалақ (көру), шахмат (көру), дойбы (көру) сияқты спорттың 10 түрінен қатысатын болады. Барлығы 53 мүгедек-спортшылар қатысады, олардың ішінде 38 ерлер арасында, 15  әйелдер арасында.

Астана қаласы командасының құрамында: халықаралық дәрежеде спорт шебері, 2016 жылы Рио-де Жанейрода өткен Паралимпиада ойындарының 4 орын иегері, жүзуден Әлем Чемпионатының қола жүлдегері Ахметов Ануар, Қазақстан Республикасының спорт шеберлері, халықаралық турнирлер жүлдегерлері Далиев Сиязбек және Сутпаева Диана, жеңіл атлетикадан спорт шебері, жасөспірімдер арасындағы Азия ойындарының чемпионы Болат Бейбарыс, тоғызқұмалақтан Қазақстан Республикасының спорт шеберлері,Қазақстан Республикасының чемпиондары, Жубатканова Алия және Токубаева Майраш қатысады.

Спортшыларға жеңіс пен үлкен жетістіктер тілейміз!