2017 жылдың 24-28 маусым күндері Алматы қаласында құзға өрмелеуден жастар арасында Қазақстан Республикасының Чемпионаты өтті. Жарысқа Қостанай, Қарағанды, Ақмола, ОҚО, Алматы облыстарынан және Астана, Алматы қалаларынан 150-ден астам спортшы жиналды. Астана қаласы атынан «Жігер» спорттық клубының құзға өрмелеуден жаттықтырушысы Слуцкая Клара Минихановнаның жетекшілігімен 10 спортшы қатысты. Боулдерингтен Досов Эльдар бірінші орынға ие болса, Шмидке Лейла екінші орынды иеленді. Қиындыққа өрмелеу бойынша алтын жүлдені Никитюк Никита мен Агылманова Зарина, қола медальды Разинков Павел жеңіп алды және көпсайыс бойынша Досов Эльдар мен Шмидке Лейла қола жүлдегерлер атанды.