Қазақстандықтар қасиетті Ораза Айт мерекесін 2017 жылы маусымның 25-27 күндері аралығында атап өтті. Мұсылмандар үшін қасиетті саналатын ұлық мейрам – Ораза Айт, қасиетті Рамазан айының аяқталуына орай тойланады.

Осындай мерекеге орай Астана қаласының Дене шынықтыру және спорт басқармасы мен Астана қаласы әкімдігінің «Жігер» спорттық клубы қала мешіттерінде спорттық жарыстар өткізді. Жарыс асық ату және қол күрестіру спорт түрлерінен өтті, барлығы 200-ден астам адам қатысты. Жарыс жеңімпаздарын дипломдармен, ақшалай және бағалы сыйлықтармен марапаттады.