Алматы қаласында 8-21 желтоқсан аралығында керлинг спорт түрінен Қазақстан Республикасының Кубогы, Чемпионаты және Алматы қаласының ашық Чемпионаты өтті. Жарыстарға еліміздің 9 аймағының спортшылары қатысты (Астана, Алматы қалалары, СҚО, ШҚО, Ақтөбе, Маңғыстау, Карағанды, Жамбыл және Алматы облыстары). Елордамыздың атынан «Жігер» спорттық клубының 11 спортшысы, керлингтен жаттықтырушы Бекеева Айнагүл Алтаевнаның жетекшлігімен қатысты. Қазақстан Республикасының Кубогында әйелдер командасы екінші орынды иеленді. Қазастан Республикасының Чемпионаты нәтижесі бойынша ерлер командасы және әйелдер командасы күміс жүлдегерлер атанды. Алматы қаласының ашық Чемпионаты қорытындысы бойынша біздің спортшылар ерлер арасында үшінші орынға, әйелдер арасында екінші орынға ие болды және еден үстіндегі керлингтен ерлер командасы күміс жүлдені жеңіп алды. Жүлдегерлерді жеңістерімен құттықтаймыз!