Латвия елінің Даугавпилс қаласында 11-14 қазан аралығында гір тасын көтеруден ересектер, жасөспірімдер, ардагерлер және әуесқой спортшылар арасында Әлем чемпионаты өтті. Гір тасын көтеруден Қазақстан Республикасына еңбек сіңірген жаттықтырушы, «Жігер» спорттық клубының гір тасын көтеруден жаттықтырушы Абдаxин Серік Нұрғалиұлы 73 келі салмақ дәрежесінде ардагерлер арасында 24 келі гір тасын 118 рет жұлқа көтеріп, 85,5 рет серпе көтеріп қосайыс бойынша 203,5 нәтижесімен Әлем Чемпионатында жеңімпаз атанып, жаңа рекорд орнатты.