Ағымдағы жылдың 24 ақпанда Шымкент қаласының «Биік» спорт кешенінде ауыр атлетикадан ерлер мен әйелдер арасындағы Қазақстан Республикасының жекелеген жаттығулар бойынша Чемпионаты және жеке-командалық Кубогы басталды. Жарыс ағымдағы жылдың 2 наурызына дейін жалғасады. Қазақстанның 11 облыстары мен 3 қаласынан барлығы 140-тан астам спортшы қатысуда. «Жігер» спорттық клубынан» ауыр атлетикадан жаттықтырушы Аманиязов Айбек Назарбайұлының жетекшілігімен 3 спортшы қатысты. Жарыс қорытындысы бойынша 49 келі салмақ дәрежесінде Оразбек Алтыншаш жұлқа көтеруде 67 келі және серпе көтеруде 80 келі зіл темірді көтеріп күміс жүлде иегері атанды.